Hamiləlikdə uzaq yola çıxdıqda nələrə diqqət etmək lazımdır ve hansı hallarda uzaq yol çıxmaq məsləhət deyil ?
- Hamiləlikdə uzaq yol gedərkən diqqət edilməli əsas nüans odur ki,
səyahət 2 saatdan uzundursa, səyahət zamanı 2 saatda bir dayanıb 20 dəqiqə yürüş etmək, sonrasında yola davam edilməlidir.
Əgər qanamanız, vaginal qəhvəyi ləkələnməniz, hematomanız, düşük riskiniz varsa və ya hamiləlik həftəniz doğuma çox yaxındırsa bu zaman uzun yol çıxmağınız məsləhət görülmür.
Doğumun başladığını necə bilmək olar? Nə zaman xəstəxanaya getməliyik ?
- Əgər siz 37 həftəni keçmisizsə, vaginal qəhvəyi rəngli ləkələnmə, beldə
gəlib-gedən ağrılar, aşağıya basqı hissi, tez-tez tualetə getmək hissi və ya
su gəlişi varsa doğumun başladığından şübhələnmək olar. Bu zaman
həkiminizlə təcili əlaqə saxlamaq lazımdır.
Vaginoplastika əməliyyatı kimlərə lazımdır ?
- Əgər cinsi əlaqə zamanı vaginanın aşırı geniş olduğunu
düşünürsuzsə, cinsi əlaqə zamanı və ya yeriyərkən, iş görərkən, ağırlıq
qaldırarkən vaginadan qaz, hava qaçırma hissi olursa, günlük həyatınızda
ağırlıq qaldırarkən, gülərkən, asqırarkən, öskürərkən azda olsa sidik
qaçırma varsa, yuyunarkən vaginada əlinizə şişkinlik gələrsə ve.s. bu kimi
hallarda vaginoplastika əməliyyatı sizə lazım ola bilər. Öncəsində mütləq
müayinə edilməlidir.
Hamilə qadınlar, süd verən analar və hamiləliyə hazırlaşan qadınlar COVID 19 peyvəndi oluna bilərmi?
- Hamilə qadınlar peyvənd oluna bilər. Bu barədə çalışmalar həm
xəstəlik, həm də peyvənd yeni olduğu uçun yetəri qədər deyil. Əldə olan
çalışmalar hamilə qadınların peyvənd oluna biləcəyini, bunun bir fəsad
yaratmadığını, doğulan uşaqlarda da eləcə peyvəndlə bağlı bir sorun
yaşandığı görülməyib. Bu səbəbdən bütün cəmiyyətlər və biz həkimlər
deyə bilirik ki, hamilə qadın peyvənd oluna bilər. Hətta süd verən analar
ve onların uşaqları üzərində aparılan calışmalar göstərir ki, peyvənd
olunan anaların bətnindəki uşaqlara antikorular-yəni xəstəlikdən
qoruyan hüceyrələr keçir və uşağı da nisbətən qorumuş olur. Digər
tərəfdən hamilə qalmaq uçun müalicə alan xanımlar və hələ hamiləliyi
planlamayan qız uşaqları da peyvənd oluna bilər. Həmçinin bunlarda da
heç bir problem görülməmişdir. Əgər ki, bütün bunların əks təsiri olarsa
bunlar dünya səviyyəsində yayımlanır və biz sizlərlə bunları
bölüşürük. Hazırda dünyadakı qərar hamilələr, süd verən
analar, hamiləliyi planlayanlar və eləcə də qız uşaqları peyvənd oluna
bilər. Hamilə qadınlarda onu vurğulamaq istəyirəm ki, xüsusilə peyvəndin
2-ci dozasında, eləcədə 1-ci dozadan sonra temperatur qalxarsa
paracetamol tərkibli dərmanlar qəbul edə bilər.
İkibuynuzlu uşaqlıq ilə hamilə qalmaq olarmı ?
- Bəli olar. Hamiləliyə əngəl deyil.
Aybaşi miqdarının azalmasının səbəbləri
- Aybaşı miqdarının azalmasını səbəbləri çoxdur. Bu səbəbdən öncəliklə
mütləq müayinə şərtdir. Burada əsasən yaş faktoru, USM-dəki dəyərlər
və qandakı bəzi hormonlora baxılmalıdır.
Hamiləlikdən qoruyan dərialtı implant necə qoruyur?
- İmplant gündəlik hormon ifraz edərək 3 mexanizim ilə hamiləlikdən qoruyur.
1) Yumurtalıqlara təsir edərək dominant follekul əmələ gəlməsinin
qarşısını alır.
2) Endometrium təbəqəsini incəldir, qalınlaşmağa qoymur (Mayalanmış yumurta implantasiya oluna bilmir)
3) Uşaqlıq boynundakı seliyi qatılaşdıraraq spermin uşaqlıq daxilinə keçməsini əngəlləyir.
Spiral və ya hamiləlikdən qoruyan dərialtı implant aybaşının hansı gunu taxılmalıdır ?
- Spiral və ya implant aybaşının istənilən günü taxıla bilər. Əsas odur ki
hamilə olmadığınızdan əmin olasız.
Hamiləlikdən qoruyan dərialtı implant neçə illikdir və istənilən vaxt çıxarıla bilərmi ?
- Hamiləlikdən qoruyan Dərialtı implantın müddəti 3 ildir. Lakin istədiyiniz zaman implant çıxarıla biler.
Menapoza girdiyimizi necə başa düşə bilərik?
- O vaxt dəqiq menapoz diaqnozu qoya bilərik ki, xəstə artıq 1 ildir aybaşı
görmür və xəstənin yumurta rezervi tükənib. Menapozun əsas
əlamətləri ilk başlarda istilik basma, soyuq tər gəlməsi, əsəbilik, gecə yuxu pozğunluğu, depressiya, sümük ağrıları ve/s
Menapozda olan qadınlardakı istilikbasma, tərləmə, gecə yuxusuzluğunu ve.s necə önləmək olar ?
- Menapoz bandı son illərdə qadınların bu şikayətinə son verən ən
önəmli müalicə metodudur. Dəriyə yapışdırılan bant bu şikayətləri ortadan
qaldırır. İllərlə istifadə edilə bileə. Sadəcə əks göstərişləri var deyə hər kəs
istifadə edə bilməz, mütləq həkim müayinəsi olmalı ve həkim tərəfindən təyin edilməlidir.
Myom ve Polip sonsuzluga səbəb ola bilərmi ?
- ƏgƏr myomanın yerləşmə yeri uşaqlığın daxili qatına yaxındırsa
(submukoz myom) bu zaman implantasiyani pozduğu üçün hamilə
qalmaga əngəl ola bilər. Endometral poliplər də uşaqlığın iç divarında
yerləşdiyi üçün mayalanmış yumurta hüceyrənin yerləşməsinə əngəl
ola bilər və bu səbəbdən hamiləlik baş tutmaya bilər
Hamiləlikdə qan uyuşmazlığı
- Əgər hamiləlik zamanı ananın qanı mənfidirsə ata isə müsbət qan
qrupudursa mütləq hamiləliyin əvvəlində indrekt coombs dediyimiz
testə baxırıq. Sonrasında 28 həftədə profilaktik olaraq rhoqam iynəsi
vurulmalıdır. Doğumdan sonra uşağın qan qrupu atanın qanını
götürübsə, yəni, müsbətdirsə roqam iynəsi vurulmalıdır.
Uşağın hərəkəti neçənci həftəden hiss olunmağa başlayır?
- Uşağın hərəkəti ilk Hamiləlikdə normalda 18-20 həftədə, 2-ci və 3-cü Hamiləliklərdə isə 16-17-ci həftədən hiss edilə bilər
Uşağın çox hərəkətli olması onun sıxıntıda olmasınımı göstərir?
- Uşaq nə qədər hərəkətde olarsa, bir o qədər ana bətnində vəziyyəti yaxşıdır deməkdir. Tam tərsi 20 həftənin üstündə hərəkətsiz olan uşaqdan qorxmalıyıq.
Pap-smear testi nədir və nə üçün edilir?
- Pap-smear testi uşaqlıq boyunun xərçənginin tarama testidir. 3 ildən bir uşaqlıq boynundan yaxma alınaraq oradakı dəyişilmiş hüceyrələri aşkarlayırıq.
Keysəriyyə sonrası normal doğum ola bilərmi?
- Keysəriyyə sonrası normal doğum ola bilər, amma ana ve uşaq üçün
bunun müəyyen, həyati riskləri var. Bu səbəbdən həkiminiz ilə bunu detallı müzakirə edib, bu riskləri göz önünə alıb ondan sonra böyük bir
mərkəzdə təcrubəli komanda ilə etmək olar.
Hamiləlikde ürək bulanma və qusmanın zərəri varmı və nə vaxt keçər?
- Hamiləlikdə ürək bulanma və qusma Beta-HCG hormone dediyimiz
Hamiləlik hormonunun pik dönəmlərində yeni, 8-9-10 həftəsinə qədər
daha cox şiddətli gördüyümüz zamanlardır. 12 və 14 həftəsindən sonra
azalmağa başlayır. Çox şiddətli olan insanlarsa əlavə dərman vasitəsinə
gərək duyulur.
Mamoqrafi testi müayinəsi nə zaman edilir?
- Mamoqrafi müayinəsi əsasən 40 yaşdan sonra, hər 2 ilden bir
edilməlidir. Məqsəd meme kanserini öncədən aşkarlamaqdır.
Yumurta dondurma prosesi kimlərə məsləhətdir?
- Yumurtalıq rezervi az olduqda əsasən yumurta dondurma prosesi
edilir. Yumurta dondurma prosesini yaxın zamanda evlilik
planlamayan, yaşı 35-dən çox olan xanımlar, hər hansı bir ciddi xəstəliyi
olub yumurtalıqlarının bir qismi əməliyyatla alınacaq olan xəstələr
,xərçəng diaqnozu olub, kimya ve ya radioterapiya olunacaq xəstələr, və
ya yumurta rezervi düşük olan, ancaq gələcəkdə uşaq sahibi olmaq
istəyən bütün qadınlara məsləhət görülə bilər.
Uşaqlıqdan kənar Hamiləlik nədir?
- Uşaqlıqdan kənar Hamiləliklər bütün Hamiləliklərin 0.5-1.5%-ni təşkil
edir ortalama. Bunların 95%-i boruda görülür. Ona görə də xalq arasında
bu boru hamiləliyi kimi adlandırılır. Əslində sadəcə boruda
yerləşmir, uşaqlıq daxilindən kənarda ən çox gördüyümüz
borudur. Borudan sonra yumurtalıqda da izlənə bilər, uşaqlıq boyunda
da izlənə bilər, qarın daxilində, abdominal dediyimiz hissə də Hamiləlik
ola bilər. Həm uşaqlıq daxilində, həm də uşaqlıq xaricində eyni
zamanda Hamiləlik görülə bilər. Buna görə də mütləq hamilə qalan
qadınlar ilk dəfə evdə test edib pozitiv oldugunu görəndə mütləq
5 həftədə də olsa, ilk müayinəyə getməsi lazımdır. İlkin ultrases
müayinəsi ilə əgər uşaqlıq daxilində Hamiləlik kisəsi izlənmirsə mütləq
48 saat ara ilə beta HCG dediyimiz Hamiləlik hormonuna baxmaq
lazımdır.
Hamiləlik dövründə əsasən hansı qidalardan uzaq durmalı və daha
çox hansı qidaları qəbul etmək lazımdır?
- Hamilə xanımlara hər qidanı qebul etmək olmaz. Hamiləlikdə qəbul
edilməsi lazım olan ən önəmli qidalardan biri balıqdır. Ancaq hər balıq
yeyilməz. Xüsusilədə dərin sularda yaşayan balıqlar içərisində yüksək
civə tərkibli olduğu üçün yeyilməz. Amma omega3 baxımından həftədə 2 dəfə
sağlam şəkildə balıq yeməyiniz məsləhətdir. Pastrelize edilməmiş süd
məhsullari, özəlliklə yumşaq pendir, kifli pendir qətiyyən
yeməməlisiz. Kalsium baxımından sərt pendirlər yeyə bilərsiz. Çünki
bunlarin içində bruselyoz, toksoplazma, listerlyoz kimi infeksiyalara
rast gələ bilirik. Xüsusilə də bişməmiş qidaların içində daha çox rast
gəlindiyi üçün mütləq şəkildə hamilələr sadəcə yaxşı bişmiş
məhsulları yeyə bilərlər. Hazır yeməklər, yeni sendviç ve.s kimi, xüsusilədə
soyuducuda saxlanılan toyuq, hinduşka əti ve balıq tərkibli
sendviçlər, konserv ət, balıq və toyuq məhsullarını məsləhət
görmürəm. Bundan əlavə yumurta yeyəcəksizse tam bişmiş şəkildə
olmalıdır. Çiy qətiyyən olmaz. Başqa bir nüans isə mayonezin tərkibində
çiy yumurta olduğu üçün hamilələrə mayonez istifadə etməyi məsləhət
görmürəm. Hamiləlikdə yemək məsləhət olmayan qidalardan biri də
bişməmiş və ya yarı çiy dəniz məhsullarıdır. Xüsusi ilədə mümkünsə
Hamiləlik vaxti suşidən uzaq durun. İçərisində çiy balıq olduğu üçün
məsləhət deyil. İcinde çiy balıq olmadığından əminsinizsə az da olsa
dada bilərsiz. Çiy köftədən də uzaq durmağınız məsləhətdir. Hamiləlikdə
içki, siqaret qəti qadağandır. Bunlar sinir sisteminin inkişafının
pozulmasına səbəb olacaq bir şeydir. Kofe gün ərzində 2 fincandan artıq
olmaz. Bitki çaylarından xüsuilə uzaq durun. Bitki çayları erkən doğuşa
səbəb ola bilər. Rəngli içkilərdən-icetea, kola, fanta və.s uzaq
durun. Bunlardan əlavə kolbasa, sosiska kimi məhsullardan da uzaq
durmağınız lazımdır. Çünki bunların hazırlanma şərtlərini, tərkibini
bilmirsiz. Bu səbəbdən yeməməyiniz daha məsləhətdir. Daha uzaq
durulması lazim qidalardan biri də heyvanların iç orqanlari ciyər, bağırsaq və.s-dir. Qara ciyər yemək istəyirsizsə, onun tərkibində a
vitamin olduğu üçün və a vitaminin artığı Hamiləlikde ziyan oldugu üçün
qəbul etməməyiniz məsləhətdir. Amma həftədə 1 dəfə çox az miqdarda
yeyə bilərsiz.
Hamiləlikdə hansı dərmanlar zərərsizdir?
- Öncəliklə onu demək lazımdır ki, hamiləlik zamanı doktorunuza
danışmadan heç bir dərman istifadə etməyin. Hamiləlikdə istifadə
edilən dərmanlar 5 qrupa bölürük. İlk öncə A qrupu olan dərmanlardan
başlayaq. Bu qrupa daxil olan dərmanlar Hamiləlikdə rahatlıqla istifadə
edilən dərmanlardır. Bunların insan ve heyvan üzərində çalışmaları
edilmiş və tamamilə Uşağa zərərsiz olduğu sübut edilmişdir. Bunlara
misal olaraq vitaminlər, vitamin preparatları, dəmir preparatları, əlavə
qida takviyelerini göstərə bilərik. Amma bu o demək deyil ki, siz bütün
vitaminləri doktorunuzla məsləhətləşmədən istifadə edə bilərsiz.
B qrup dərmanlar belə təsnif olunur ki, heyvanlar üzərində bu
dərmanlarin çalışması edilmiş ancaq insanlar üzərində çalışması
dəqiqləşdirilməmiş dərmanlar qrupudur.Heyvanlar üzərində edilen
çalışmalarda heyvanların balalarına bir ziyani görülməmişdir. Bu qrup
dərmanlara biz misal göstərə bilərik antibiotikləri. Amma bunu da
vurğulamaq lazimdir ki, hər kiçik bir şeydə antibiotik qəbul etmək
düzgün deyil. Mütləq doktor məsləhəti ile siz antibiotik qəbul edə
bilərsiz.
C qrup dərmanlar ise bütün dərmanların hardasa 80/90%-ni təşkil
edir. Normalda Hamiləlikde C qrup dərmanları məsləhət görmürük. Bəzi
hallar istisnadır.
Hamiləlikdə qətiyyən məsləhət görmədiyimiz D qrupu ve X
kateqoriyasıdır. Bu qrup dərmanlar bir sıra istisna hallarda məsləhət
görülə bilər. Deyək ki, siz xərçəng xəstəsiz və kimya terapiya almanız
lazımdir. Bu hallarda yalnız D qrupu dərmanlar məsləhət
görülür. Hamiləlikde kimya terapiya edilə bilərmi? Bəli edilə
bilər. Xüsusilədə 12 həftəni keçdikdən sonra D qrup dərman əgər ananın
sağlamlığı üçün çox vacibdirsə istifadə edilə bilər.
X qrup dərmanları Hamiləlikdə qətiyyən məsləhət görmürük. Bunlara
misal olaraq sızanaqlarda istifadə edilən roaqutan dərmanı qətiyyən Hamiləlikdə istifadə edilməməlidir.
Cinsiyyət hesablaması düzgün metoddurmu?
- Hamiləlikdə cinsiyyət hesablamasının heç bir metodu düzgün
deyil, çünki heç bir tibbi əsası yoxdur. Hamiləlik öncəsi cinsiyyət
bilmənin tək yolu süni mayalanma ilə cinsiyyət seçməkdir.
Hamiləlikdə cinsi əlaqə
- Hamiləlik dövrundə cinsi əlaqəni normalda qadağan etmirik. Lakin bəzi
hallar varki, o zaman cinsi əlaqəyə nisbətən ara verməyi məsləhət
görürük. Bunlardan ən başlıcası qanamadır. Əgər ilk həftələrdə qanama
varsa qanama riski ola bilər deməkdir. Bu səbəbdən cinsi əlaqəni
qadağan edə bilərik. Böyük həftələrdə de Plasenta Previa
dediyimiz, yəni, cütlüyün öndə gəlmə durumu varki, bu zaman cinsi əlaqə
qadağandır.
Hamiləlikdə diş müalicəsi edilə bilərmi ?
- Hamiləlikdə dişləri müalicə etdirəek olar. Burada önəmli nüans
adrenalinsiz anestetiklər istifadə edilməli ve əgər antibiotik lazım olarsa
pensilin qrupu antibiotiklərdən istifadə edilməlidir.